Pormal nang sinimulan ang pagdiriwang ng Linggo ng Kabataan 2026 sa Lungsod ng Isabela sa pamamagitan ng Singlab Run for a Cause 2026, Agosto 1, sa Isabela City Park at nilahukan ng mahigit 200 kabataang Isabeleño at running enthusiasts na sama-samang tumakbo para sa isang makabuluhang layunin.
May temang “Different Contexts, Common Aspirations,” nagsilbing unang hakbang ang fun run tungo sa isang serye ng mga aktibidad na naglalayong ipakita ang talento, kakayahan, pagkakaisa, at aktibong partisipasyon ng kabataan sa pagbuo ng mas matatag at progresibong komunidad.
Sa pangunguna ni Punong Lungsod Sitti Djalia Turabin-Hataman, sa pamamagitan ng Isabela Locsl Youth Development Office na pinamumunuan ni LYDO Levinia Perez-Jarejolne, katuwang ang Sangguniang Kabataan Federation na pinamumunuan ni SK Federation President Naila Belleng, at katuwang ang Isabela City Youth Development Council na patuloy na isinusulong ng Pamahalaang Lungsod ang mga programang nagbibigay ng makabuluhang espasyo para sa kabataan na mamuno, maglingkod, lumikha, at maging bahagi ng pagbabago.
Naging tampok din sa matagumpay na pagbubukas ng selebrasyon ang pagkilala sa mga nanguna sa Singlab Run for a Cause 2026.
Ang mga nagwagi ay:
5KM MALE
1st Place: Raven Ignacio — Race Bib No. 104
2nd Place: Christehard Garcia — Race Bib No. 019
3rd Place: Aldrin Abduraji — Race Bib No. 101
5KM FEMALE
1st Place: Jenny FloresRace Bib No. 032
2nd Place: Myzandra Ali Race Bib No. 077
3rd Place: Race Bib No. 109
3KM MALE
1st Place: Denver Sali — Race Bib No. 136
2nd Place: Tarik Lara — Race Bib No. 041
3rd Place: Marjuk Saluan — Race Bib No. 004
3KM FEMALE
1st Place: Daylyn Sali — Race Bib No. 149
2nd Place: Sophia Liane Neri — Race Bib No. 141
3rd Place: Nurhafiza Hussiea — Race Bib No. 094
Ang Singlab Run for a Cause 2026 ay simula pa lamang ng mas masigla at makabuluhang pagdiriwang ng Linggo ng Kabataan 2026, na magtatampok ng iba’t ibang programa at aktibidad para sa kabataang Isabeleño.
Mula sa fun run hanggang sa mga susunod pang aktibidad, inaanyayahan ang bawat kabataang Isabeleño na makilahok, makiisa, at maging bahagi ng isang henerasyong may iisang mithiin—ang patuloy na pag-unlad ng kanilang sarili, kapwa kabataan, at ng buong Lungsod ng Isabela. (Sulat ni KC Lim/Kuha ni C. Digon, IsaTV)
