Sa kauna-unahang pagkakataon mula nang matapos ang halalan, nagtipon ang mga convenor ng Mayors for Good Governance (M4GG) — sina Mayor Benjie Magalong, Mayor Vico Sotto, at Mayor Sitti Djalia Turabin-Hataman — upang talakayin ang mga estratehiya para higit pang palakasin ang kanilang sama-samang laban kontra graft at korapsyon.
Lahat ng convenors ay muling nahalal — patunay na ang tapat at mahusay na pamumuno ay pinapahalagahan at pinagkakatiwalaan ng mamamayan.
Sa kanilang pag-uusap, binigyang-diin ng mga alkalde ang kagyat na pangangailangang tiyakin ang maayos na pamamahala sa pondo ng bayan sa pamamagitan ng transparency, accountability, at integridad, upang masiguro na bawat piso ay tunay na mapapakinabangan ng mamamayan — lalo na ng mga karaniwang Pilipino sa iba’t ibang komunidad sa buong bansa.
Sa parehong araw, ang grupo ay nag-courtesy call kasama si DILG Secretary Jonvic Remulla at pinagtibay rin ang partnership kasama ang SGV and Co. para palakasin ang kakayahan ng mga LGU sa pagsusulong ng mabuting pamamahala.
