Nakipagpulong si Gobernador Mujiv Hataman, ika-7 ng Agosto, sa mga opisyal ng DepEd SDO-Isabela City, sa pangunguna ni Schools Division Superintendent Dr. Ma. Laarni Villanueva, upang talakayin ang mga paghahanda para sa pagdarausan ng Lungsod ng Isabela sa 2025 Zamboanga Peninsula Regional Athletic Association (ZPRAA) Meet.
Tinalakay sa pagpupulong ang mga isyung may kaugnayan sa pagpapahusay ng imprastruktura, suporta sa lohistika, at kahandaan ng mga pasilidad. Kabilang sa mga plano ang pagbili ng kagamitang pampalakasan, pagpapabuti ng mga matutuluyan, at mga mungkahing pagpapaunlad ng iba pang pasilidad. Sa inaasahang humigit-kumulang 7,100 kalahok—kabilang ang mahigit 6,400 atleta at opisyal ng delegasyon—iminungkahi ni Gobernador Hataman ang mas masinsinang koordinasyon sa Tanggapan ng Inhenyerong Panlungsod upang matukoy ang mga kailangang tugunan at makapagpanukala ng mga alternatibong solusyon.
Dumalo rin sa pagpupulong sina Bise Alkalde Ar-Jhemar Ajibon, mga konsehal na sina Jeromy Casas, Alexes Ututalum, at Al-Ameen Camlian; SGOD Chief Eduardo Gulang. Naroon din sina Inhinyero ng Lungsod Reynaldo Dagohoy, CGSO Eugene Strong, SAO Robert Arseña, Ingat-Yaman ng Lungsod Mary Jane Abenojar, Tagatuos ng Lungsod Jaber Tiplani, Abogado ng Lungsod Atty. Rosebell Sanson, at iba pa. (Sulat ni SJ Asakil/Kuha ni M. Santos, CIO)
