Upang mapalakas ang kabuhayan ng mga mangingisda at maisulong ang seguridad sa pagkaing-dagat, isinagawa ng Kawanihan ng Pangisdaan at Yamang-Tubig (BFAR) ang pagsasalin ng mga kagamitang post-harvest sa ilalim ng Sardine Sustainability Project noong Agosto 28 sa Barangay Lukbuton.
Ang mga kagamitang tinatayang nagkakahalaga ng humigit-kumulang P81,000 ay kinabibilangan ng kumpletong kagamitan para sa pagpoproseso ng bottled fish commodities gaya ng sardinas at boneless bangus. Ito ay ibinahagi sa BANGSASAMA Association sa pangunguna ng kanilang presidente na si Ikram Amain.
Dumalo sa aktibidad sina Tagapangasiwa ng Lungsod Pedrito Eisma, BFAR OIC Isabela City Fishery Officer Robert Aporado; mga kinatawan mula sa IX na sina Merza Rasad at Puraida Abdullah; gayundin ang mga kawani ng Tanggapan ng Agrikultura (CAgO).
Ginanap ang turnover sa BANGSASAMA Post-Harvest Facility na kasalukuyang itinatayo sa parehong lugar kung saan matatagpuan ang Samahang Makakalikasan (SAMAKA). (Ambag na Ulat/Kuha ni KJ Evardo, IsaTV)
#HAPIsabela
#IsangBuhayNaMaligayaAtMarangalParaSaLahat
