Muling namayagpag ang diwa ng pagbibigayan nang ilunsad ng Pamahalaang Lungsod ng Isabela, sa pamumuno ni Punong Lungsod Sitti Djalia Turabin-Hataman, ang taunang Pamaskong Handog 2025. Noong Disyembre 10, nagsimulang mamahagi ng mga handang pagkain sa mga pamilyang naninirahan sa mga barangay ng Kapatagan Grande, Small Kapatagan, Masola, Eastside, Seaside, at Isabela Proper.
Katuwang ng programang ito ang katumbas nitong inisyatiba tuwing buwan ng Ramadhan, kung saan ang mga pamilyang Muslim ay binibigyan din ng food packs—isang malinaw na patunay ng pagsisikap ng lokal na pamahalaan na isulong ang pagkakaisa at pagkakasundo ng iba’t ibang sektor ng komunidad.
Ang mga 2025 Pamaskong Handog Packs, na maayos na inayos at inilagay sa eco-friendly na bag, ay naglalaman ng:
Sauceyghhetti Sakto Combo Macaroni Keso Corned beef Fruit cocktail KremdensadaSa pamamagitan ng programang ito, muling ipinapadama ng pamahalaang lokal ang kanilang malasakit at suporta sa bawat sambahayan, anuman ang relihiyon, habang layuning maghatid ng kagalakan at ginhawa ngayong panahon ng pagdiriwang. (Kuha ni KJ Evardo at KY Sencio, IsaTV)
