Bilang pagpapatuloy sa taunang tradisyong Pamaskong Handog na inilunsad ni Punong Lungsod Sitti Djalia Turabin-Hataman mula nang maupo siya bilang alkalde, nagsimula na ang Pamahalaang Lungsod ng Isabela sa pamamahagi ng mga panghanda para sa mga pamilyang Kristiyano sa mga barangay ng Sta. Cruz, Calvario, Lumbang, Panunsulan, Kapayawan, Maligue, Binuangan, La Piedad, Doña Ramona at Sunrise noong Disyembre 11, bilang paghahanda sa pagdating ng Pasko. Abangan lamang sa inyong barangay ang iba pang iskedyul ng pamamahagi.
Katuwang ng programang ito ang katumbas nitong inisyatiba tuwing buwan ng Ramadhan, kung saan ang mga pamilyang Muslim naman ay binibigyan ng food packs—isang malinaw na patunay ng pagsisikap ng lokal na pamahalaan na isulong ang pagkakaisa at pagkakasundo ng iba’t ibang sektor ng komunidad.
Ang mga 2025 Pamaskong Handog Packs, na maayos na inayos at inilagay sa mga eco-friendly na bag, ay naglalaman ng:
Sauceyghhetti Sakto Combo Macaroni Keso Corned beef Fruit cocktail KremdensadaSa pamamagitan ng programang ito, muling ipinadadama ng pamahalaang lokal ang kanilang malasakit at suporta sa bawat sambahayan—anumang relihiyon—habang layuning maghatid ng kagalakan at ginhawa ngayong panahon ng pagdiriwang. (Kuha nina J. Segovia at K. Galano, IsaTV)
