Pinangunahan ni Punong Lungsod Sitti Djalia Turabin-Hataman ang serye ng pagpupulong kasama ang mga kinatawan ng PhilHealth at Landbank ika-28 ng Agosto sa Bulwagang Panlungsod upang talakayin ang mga programang makapagpapalakas sa serbisyong pangkalusugan at pagpapaunlad pang-ekonomiya ng Lungsod ng Isabela.
Nakipagpulong ang Claims and Accreditation Team ng PhilHealth Local Health Insurance Office, na kinabibilangan nina Gerlee Rasonable at Sherifa Kunting, kay CHO Dr. Mohrein Ismael VI upang talakayin ang mga isyu at programa kaugnay ng kalusugan.
Samantala, nakipag-ugnayan din sa pamahalaang lungsod ang mga kinatawan mula sa Landbank para sa mga inisyatiba ukol sa serbisyong pampinansyal at suporta sa mga proyektong pangkaunlaran. Dumalo sa mga nasabing pagpupulong sina Bise Alkalde Ar-Jhemar Ajibon, mga konsehal ng lungsod na sina Jeromy Casas, James Abner Rodriguez, Yusop Abubakar, Alexes Ututalum, Jashim Tiplani, at Karel Annjaiza Sakkalahul-Hataman, gayundin si Tagapangasiwa ng Lungsod Pedrito Eisma at Ingat-Yaman ng Lungsod Mary Jane Abenojar. (Sulat ni SJ Asakil/Kuha ni M. Santos, CIO)
