Patuloy ang pagkilos ng Pamahalaang Lungsod ng Isabela, sa pangunguna ni Mayor Sitti Djalia A. Turabin-Hataman, sa pagpapatupad ng mga programang naglalayong palakasin ang sektor ng edukasyon at mapabuti ang kapaligiran ng pagkatuto ng mga kabataang Isabeleño.
Bahagi ng School Infrastructure Repair Program ang pagsasaayos at pagpapabuti ng mga pasilidad sa 21 paaralan sa lungsod, na may kabuuang pondong ₱19,699,971.54, upang matiyak ang mas ligtas, maayos, at komportableng learning spaces para sa mga mag-aaral at guro.
Sa pagpapatuloy ng programa, kabilang ang mga sumusunod na paaralan:
1. Spillway Elementary School – Isinagawa ang pagkakabit ng bagong bubong, pagsasaayos ng kisame, pagtatayo ng comfort room, pagkukumpuni ng electrical system, pagpipintura, at iba pang kinakailangang repair sa imprastraktura ng paaralan.
2. Lunot Elementary School – Isinagawa ang pagkukumpuni ng imprastraktura at repainting ng mga pasilidad upang mapanatili ang kaayusan at mapaganda ang learning environment.
3. Old Camp Elementary School – Nagkaroon ng bagong bubong, pagsasaayos ng kisame, pagpipintura, at repair sa mga bahagi ng gusali at iba pang pasilidad ng paaralan.
4. Balatanay Elementary School – Isinagawa ang infrastructure repair at repainting ng mga pasilidad upang mapabuti ang kondisyon ng paaralan.
5. Kumalarang Elementary School – Naisagawa ang pagkukumpuni ng mga pasilidad at pagpipintura upang mas mapanatili ang kalinisan, kaayusan, at seguridad ng learning spaces.
Sa pamamagitan ng patuloy na pamumuhunan sa imprastraktura ng edukasyon, ipinapakita ng Pamahalaang Lungsod ng Isabela ang malasakit sa bawat mag-aaral at guro, tungo sa pagkakaroon ng mas ligtas, maayos, at mas magandang lugar para sa pagkatuto.
