Isang makasaysayang gabi ng kaalaman, pananampalataya, at pagkakaisa ang nasaksihan sa Grand Finals ng kauna-unahang Basilan-wide 5 Pillars of Islam Quiz Show, noong Biyernes ng gabi, ika-28 ng Pebrero sa Basilan People’s Capitol, Sta. Clara, Lamitan City.
Hindi lamang ito isang kompetisyon — ito ay isang paalala na ang ating mga haligi ng Islam ay hindi basta kaalaman na dapat kabisaduhin, kundi mga prinsipyong dapat isabuhay sa araw-araw.
Taos-pusong pagbati sa ating mga nagwaging murid ng mga iba’t ibang madaris:
Champion – Mahad Geras
1st Runner-Up – Mahad Mabarakat
2nd Runner-Up – Bliss Educational Center 3rd Runner-Up – Masjid JamieNakatanggap ang bawat team ng cash prizes na dinagdagan pa ni People’s Governor Mujiv S. Hataman.
Ang bawat mag-aaral ng Madaris ay nagpakita ng lalim ng pag-unawa sa Iman, Salah, Zakah, Sawm, at Hajj — mga pundasyon na humuhubog sa ating pagkatao bilang mga Muslim at nagpapatatag sa ating komunidad.
Sa pamamagitan ng ganitong mga gawain, mas napapalalim ang ating kaalaman, napalalakas ang ating īmān, at naipapasa sa susunod na henerasyon ang kahalagahan ng pamumuhay na nakaugat sa tunay na Islamic values.
Patuloy nating isabuhay ang mga aral ng ating pananampalataya — hindi lamang sa entablado ng kompetisyon, kundi sa bawat aspeto ng ating buhay.
