๐ ๐๐ ๐๐๐๐๐๐๐๐ก๐๐๐ก๐๐ก ๐ฃ๐๐ฅ๐ ๐ฆ๐ ๐ฃ๐๐๐๐๐ฅ๐๐ข๐ฆ ๐ก๐ ๐ญ๐ฃ๐ฅ๐๐ ๐ ๐๐๐ง ๐ฎ๐ฌ๐ฎ๐ฒ ๐ฆ๐ ๐๐จ๐ก๐๐ฆ๐ข๐, ๐๐ก๐๐๐๐ง๐๐ | Bilang paghahanda ng Lungsod ng Isabela bilang pagdarausan ng Palarong Zamboanga Peninsula (ZPRAA Meet) 2026, nagsagawa ng pagpupulong si Gobernador Mujiv Hataman bilang kinatawan ni Punong Lungsod Sitti Djalia Turabin-Hataman, kasama ang Kagawaran ng Edukasyon-Sangay ng Lungsod ng Isabela at ilang opisyal ng pamahalaang lokal.
Tinalakay sa pagpupulong ang mga mahahalagang bahagi ng paghahanda ng lungsod para sa nalalapit na paligsahang pampalakasan sa rehiyon, pati na rin ang paunang mga plano para sa magiging pagdaraos nito sa lungsod. Isa sa mga tinalakay ang mungkahing humingi ng tulong mula sa pambansang pamahalaan para sa pagpapaganda ng mga pasilidad, lalo na ang mga pangunahing lugar na gagamitin sa isports at iba pang mga pangangailangan ng mga kalahok.
Ibinahagi ni Dr. Arnel Hajan, punongguro ng Basilan National High School, ang kasalukuyang kakayahan ng lungsod at mga panukala para sa mga kailangang ayusin o dagdagan, tulad ng mga palaruan, tulugan ng mga bisita, at transportasyon para sa mga darating na delegasyon. May pangako rin ng suporta sa mga kagamitan at pagsasaayos ng mga aktibidad para sa mainit na pagtanggap sa mga panauhin. Nagmungkahi rin ng karagdagang pagpapalawak at pagsasaayos ng mga lugar ng paligsahan at matutuluyan upang masunod ang pamantayan ng malalaking palaro. Inaasahang mahigit 7,000 atleta, tagasanay, at opisyal ang dadalo sa ZPRAA 2026.
Dumalo rin sa pagpupulong sina Bise Alkalde Ar-jhemar Ajibon, mga konsehal na sina Jeromy Casas at Al-Ameen Camlian, pangulo ng SK Federation na si Naila Belleng, pangulo ng ABC na si Abral Abdurahman, CID Chief Dr. Henry Tura, Inhinyero ng Lungsod Reynaldo Dagohoy, CGSO Eugene Strong, SAO Robert Arseรฑa, at Ingat-Yaman ng Lungsod Mary Jane Abenojar, kasama ang iba pang mga opisyal. (Sulat ni SJ Asakil/Kuha ni M. Santos, CIO)
