Pinangunahan ni Mayor Sitti Djalia A. Turabin-Hataman ang pamamahagi, April 5, ng mga kagamitan sa pagsasaka para sa mga miyembro ng Ayudahan Rice Farmers Association, sa Purok 7, Barangay Tabiawan.
Pinondohan ng Gender and Development (GAD), nabigyan ng thresher machine, power tiller machine at lawn mower, na umabot sa halagang P120,000, ang mga magsasaka upang magamit nila para sa pag-aani ng palay ngayong Abril.
Kasama sa mga naging saksi sa seremonyang ito ay ang Isabela City People’s Council (ICPC) na siyang may tungkulin na bantayan ang pagpapatupad ng mga programa ng Pamahalaang Lungsod, sa pangunguna ni Pastor Ronald Paulino ng UECI na siya ring pangulo ng ICPC; si Shiela Pagarigan, presidente ng Local Council of Women (LCW); Norhaiya Macusang, CSO Focal, CIO/GAD Focal Mendry-Ann Lim at iba pang mga grupo ng magsasaka at miyembro ng ICPC at LCW ng Lungsod ng Isabela. Inimbitahan rin ng Ayudahan Rice Farmers Association si Father Rodel Angeles ng Prelatura ng Isabela de Basilan upang bendisyunan ang mga natanggap na bagong mga kagamitan. (Kuha ni M. Santos, CIO)
