MAYOR DADAH, HAPISABELA MOBILE LIBRARY, NAGHATID-SAYA SA BALIK=ESKWELA NG BASJAO FLOATING INTEGRATED SCHOOL

Hinandugan ng tanggapan ni Punong Lungsod Sitti Djalia Turabin-Hataman ng knapsack bags na may lamang school supplies ang may nasa 100 mag-aaral ng Badjao Floating Integrated School (BFIS) sa unang araw ng balik-eskwela, ika-29 ng Hulyo.
Tinaon naman ito sa pagbisita ng Learning and Information for Barangay Readers Outreach (LIBRO) Mobile Library sa nasabing paaralan. Ito ang kauna-unahang pagdalaw ng HAPIsabela Mobile Library sa isang island community sa ikalawang taon ng pagseserbisyo nito sa lahat ng batang mambabasa sa Lungsod ng Isabela.
Bahagi rin ng aktibidad ang pasinaya sa Project SAGWAN (Silid-Aralan Gabay sa Wika, Abilidad at Numerasya) Learning Hub na minungkahi ni School Reading Coordinator Andro Monsole at naging posible dahil sa donasyon ng Mindanao Freedom Ride of the Philippines kung saan miyembro sina Alkalde Hanie Bud ng Bayan ng Maluso at Kongresista Mujiv Hataman ng Tanging Distrito ng Basilan. Ang nasabing silid ay magsisilbing linangan ng iba’t ibang mga programa ng BFIS gaya ng remedial reading, pamahayagang pangkampus, sining, at iba pa.
Sa kaniyang naging mensahe, abot-abot ang pasasalamat ni Punongguro Dianah Jean Segayo dahil sa walang-patid na suporta ng Pamahalaang Lokal sa mga mag-aaral ng BFIS. Sinegundahan naman ito nina Superbisor Fe Jabarani at Barangay Tampalan IPMR Romano Alih sa kanilang mga tugon. Samantala, sa kaniya namang mensahe, hinimok ni Island District II PSDS Dr. Jamir Lujuman na pagsumikapan ng mga estudyante ang kanilang pag-aaral upang maiahon ang kanilang pamayanang katutubo mula sa laylayan ng lipunan.
Nagdala naman ng saya at tuwa sa mga bata at gurong nagtipon ang pagbisita at pagsayaw nina Isa at Bella. Naging katuwang naman ang Smart Choice Grocer sa nasabing aktibidad sa pamamagitan ng pag-isponsor ng meryenda para sa mga mag-aaral sa hapong iyon.
Batay na rin sa tagubilin ni Punong Lungsod Turabin-Hataman, layunin ng HAPIsabela Mobile Library na maabot ang bawat sulok ng Lungsod ng Isabela upang idiin ang kahalagahan ng pagbasa sa bawat pamayanan. (Sulat ni M. Guerrero/Kuha ni A. Sali, CIO)
Facebook
X
LinkedIn

More from the Newsroom

YOUR CITY GOVERNMENT AT WORK

Patuloy ang pagkilos ng Pamahalaang Lungsod ng Isabela, sa pangunguna ni Mayor Sitti Djalia A. Turabin-Hataman, upang mapabuti ang mga pasilidad pampaaralan at makapagbigay ng mas ligtas, maayos, at mas angkop na kapaligiran para sa pagkatuto ng mga mag-aaral at pagtuturo ng mga guro. Bahagi ng programang ito ang pagkukumpuni

Read More »
July 28, 2026 No Comments

MAYOR DADAH, PINANGUNAHAN ANG PAGPAPASINAYA SA UPGRADED CITY HEALTH OFFICE

Mula sa dating City Infirmary, isa na ngayong mas moderno at mas pinalawak na City Health Office (CHO) Building ang nagsisilbing sentro ng mga serbisyong pangkalusugan sa Lungsod ng Isabela. Pinangunahan ni Punong Lungsod Sitti Djalia Turabin-Hataman ang pagpapasinaya sa mga bagong natapos na imprastraktura sa CHO Building sa Barangay

Read More »
July 28, 2026 No Comments

MAYOR DADAH HOLDS SERIES OF MEETINGS TO ADVANCE CITY PROGRAMS AND PARTNERSHIPS

Mayor Sitti Djalia Turabin-Hataman conducted a series of meetings with key city officials, staff, and partner organizations on July 20 at the Infirmary Conference Hall to discuss priority programs and initiatives aimed at strengthening public service delivery, cultural development, youth empowerment, and community partnerships. Among the meetings held was with

Read More »
July 28, 2026 No Comments

LIBRENG ISA-KAYAN PARA SA MGA MAG-AARAL, HANDOG NG PAMAHALAANG LUNGSOD

Bilang bahagi ng patuloy na pagsuporta sa edukasyon at pagpapagaan ng gastusin ng mga pamilyang Isabeleño, pormal na inilunsad ng Pamahalaang Lungsod ng Isabela, ika-21 ng Hulyo, sa pangunguna ni Punong Lungsod Sitti Djalia Turabin-Hataman, ang Libreng Isa-Kayan Program para sa mga mag-aaral at guro sa lungsod. Nakiisa sa paglulunsad

Read More »
July 28, 2026 No Comments