Isinagawa ang ikaapat na sesyon ng Sakayan-Kaalaman 4.0 sa Westside Elementary School, Agosto 24, sa ilalim ng pamumuno ni Punong Lungsod Sitti Djalia Turabin-Hataman at sa pamamagitan ng City Information Office (CIO), na pinamumunuan ni City Information Officer Mendry-Ann Lim.
Pinangunahan ang sesyon ng punong-guro ng Westside Elementary School na si Nurrahma Abubakar, katuwang sina Mobile Library Focal Person Jham-Jham Kalbi at ang Local Youth Development Office (LYDO) na pinamumunuan ni Levinia Jarejolne.
Nakibahagi rin ang SK Federation, sa pangunguna ni SK Federation President Naila Belleng, kasama sina SK Chairperson Sitti Aisa Asambli ng Barangay Tampalan, SK Chairperson Adsar Jornie ng Barangay Carbon, at SK Chairperson Amy Rose Sanson ng Barangay Sunrise.
Naghatid ang mga kabataang lider ng iba’t ibang masaya at makabuluhang gawain para sa mga mag-aaral, kabilang ang mga aktibidad na nakatuon sa pagbabasa at pagkatuto. Layunin nitong mapaunlad ang kaalaman, kumpiyansa, at interes ng mga bata sa pagbabasa at iba pang gawaing pang-edukasyon.
Sa pamamagitan ng Sakayan-Kaalaman 4.0, patuloy na pinagbubuklod ng Pamahalaang Lungsod ang mga paaralan, kabataan, ahensya, at komunidad upang gawing mas masaya, makabuluhan, at abot-kamay ang pagkatuto para sa bawat bata.
