Bilang pakikiisa sa pagdiriwang ng banal na buwan ng Ramadan, pormal nang sinimulan ng Pamahalaang Lungsod ng Isabela, sa ilalim ng pamumuno ni Punong Lungsod Sitti Djalia Turabin-Hataman, ang taunang programang “Libreng Iftar” (Bukah) ngayong araw, ika-19 ng Pebrero sa City Hall Lobby.
Ang inisyatibong ito, na inorganisa ng Tanggapan ng Punong Lungsod, ay naglalayong magbigay ng pagkain gabi-gabi para sa mga Muslim na empleyado ng LGU at para sa mga mamamayan mula sa labas ng organisasyon upang sabay-sabay na magbukas ng kanilang pag-aayuno. Sa pagbubukas ng pintuan ng City Hall para sa lahat, layunin ng lokal na pamahalaan na itaguyod ang diwa ng pagkakaisa, espirituwal na pagninilay, at pagdadamayan sa panahong ito. (Kuha ni M. Santos, CIO)
