Sa pangunguna ni Punong Barangay Melanio Ignacio, matagumpay na idinaos ang 2nd semester ng Barangay Assembly sa Begang, na ginanap sa mismong Multi Purpose Hall ng komunidad noong ika-25 ng Oktubre.
Ang tema ng assembly ay “Araw ng Pakikibahagi: Solusyon at Aksyon ating Talakayin” na naglalayong palakasin ang partisipasyon ng mga mamamayan sa pagplano at pagpapatupad ng mga programa sa barangay.
Tinalakay sa assembly ang mga sumusunod:
– Accomplishment Reports ng Barangay
– Budget sa taong 2026
– Mga nagawa ng mga opisyales ng barangay sa kani-kanilang mga designatong committee, tulad ng:
– Kalinisan at Kapaligiran
– Kalusugan at Serbisyo
– Edukasyon at Kabataan
– Seguridad at Kapayapaan
Dinaluhan ito ng mga Barangay Tanods, Barangay Health Workers, BNS, kabilang ang SK Kagawads, at iba pang mga residente ng barangay.
Ang assembly ay naglalayong magbigay ng oportunidad sa mga mamamayan na makibahagi sa pagplano at pagpapatupad ng mga programa sa barangay, at upang matiyak na ang mga serbisyo ng barangay ay nakatuon sa mga pangangailangan ng mga residente.
(Ulat at larawan mula kay BIO Patroller Catherine Angeline Siose ng Barangay Begang)
