Binigyang-parangal ng Komisyon sa Serbisyo Sibil (CSC) IX, sa pamamagitan ng Program to Institutionalize Meritocracy and Excellence in Human Resource Management (PRIME-HRM) Awarding at Regional Honor Awards Program (HAP) Awarding Ceremony, ang mga natatanging kawani at institusyon sa 2025 Regional Convention of Human Resource Management Practitioners (HRMPs) bilang pagkilala sa kahusayan sa pamamahala ng human resources at sa kanilang natatanging ambag sa serbisyo publiko.
Kabilang sa mga iginawad ang prestihiyosong Dangal ng Bayan Award kina Zamboanga City Medical Center Social Welfare Officer Criselda Palomo at Medical Specialist Dr. Shadrina Tahil-Sarapuddin; at ang Pag-asa Individual Award kina Pamahalaang Lokal ng Lungsod ng Zamboanga CDRRMO Dr. Emeir Apolinario, Kagawaran ng Edukasyon (DepEd) -SDO Zamboanga Sibugay Kabasalan NHS Assistant School Principal Franco Rino Apoyon, Kawanihan ng Pamatay-Sunog (BFP) IX Direktor Panrehiyonal FCSUPT Jerry Candido, at DepEd IX EPS Dr. Rodolf John Rodriguez.
Para naman sa Pag-asa Group Award, kinilala ang Sacol Smart Village – Smart Island Initiative Team mula sa Kagawaran ng Teknolohiyang Pang-impormasyon at Komunikasyon (DICT) IX at BASULTA na pinamumunuan ni ASec. Maria Teresa Camba kasama sina Information Technology Officer II Jacob Mohammad, Mechanical Plant Operator II Reynaldo Casimiro, Electronic and Communications Equipment Technicians I Dario Avergonzado at Rommel Mercado.
Sa ilalim ng PRIME-HRM Recognition Awards, tumanggap ng pagkilala ang DepEd – SDO Zamboanga City na kinatawan ni Hepe ng SGOD Dr. Basilio Uy kasama si HRMO Michael Derick Lu; Zamboanga City Water District sa pangunguna ni Pangkalahatang Tagapamahala Reynaldo Cabilin kasama si HR Division Manager Mariam Suzette Sahi-Sahijuan; at Pamahalaang Bayan ng Labason, Zamboanga del Norte na pinamumunuan ni Alkalde Jelster Ed Quimbo kasama sina Tagapangasiwa ng Bayan Atty. Stephanie Cezar at HRMO Annalyn Dado.
Para naman sa Bronze Award, kinilala ang Pamahalaang Lungsod ng Dapitan na kinatawan ni Bise Alkalde Gabriel Cad kasama si HRMO Elvie Abila; Kawanihan ng Rentas Internas (BIR) – Revenue Region 15 na kinatawan ng Hepe ng HRM Section Patricia Ablong kasama sina Administrative Officers Darlene Marie Quicho at Liza Sharon Enriquez; at DepEd – SDO Zamboanga del Norte na kinatawan ni Hepe ng SGOD Ervie Acaylar kasama si HRMO Marylynne Bayron. (Sulat ni SJ Asakil/Kuha ni M. Santos, CIO)
