Bilang paggunita at pakikiisa sa sagradong buwan ng Ramadhan, nagpapatuloy ang taunang Libreng Iftar ng Pamahalaang Lungsod ng Isabela, ika-24 ng Pebrero sa City Hall Lobby.
Kasabay ng pagtitipon, nakiisa rin sina Konsehal Asan Al-Ameen Camlian at Konsehal Karel Annjaiza Sakkalahul sa sama-samang iftar kasama sina CIO Mendry-Ann Lim at CPMDO/CNAO Jesielyn Puno at iba pang mga panauhin.
Layunin ng programa na maghandog ng pagkain sa mga mananampalataya o mga nagawi sa City Hall sa oras ng pagtatapos ng pag-aayuno, bilang bahagi ng tradisyunal na pagdiriwang ng Ramadhan. (Kuha ni M. Santos, CIO)
